CONTENT

Kristian Thalai Pawl Thakthing Veng A Forthnightly Christian Online Newsletter In Mizo Motto : Nang Malsawmna Ni Ang Che

Home Editorial Sermon Article LocalNews Links Guests About_Us Email

Sermon HLUIHLAWN THIL LA SUH - Rorelkima   Joshua bung 7-ah hian Joshua leh a hoten (Israel) Kanan ram an panna kawngah ral an bei tih kan hre thei awm a, Kanan ram thleng tur leh luah turin an kalkawngah hmelma tam tak an awm a, chungte chu hneh turin Pathiabn chakna leh hruaina ang zelin ral an beih chuan hnehna an chang thin. Nimahsela Pathian thu an zawmloh erawh chuan hnehna an chang ngailova, an mualpho thin a ni. Tun hunah pawh hian ringtuten vanram kan panna kawngah hian ral do tur leh hneh tur ava tam tak em. Ramtiam van Kananlut tur hian Pathian thu anga kan kal loh chuan luh ava har dawn em, kan khual zinna ramah hian ringtute kan mualphovin sualin min hneh chang a awm fo mai a. Lalpa lam en lovin khawvel kan thlir a, chu chuan keimahniah awhna thalo tak a rawn thlen thin avangin kan duh tawhloh kan kalsan tawh khawvel thil(Hluihlawn thil) LaLpa hmuha thil tenawm kan la leh thin. Hluihlawn thil lak chu mualphona leh thihna a ni. Akana pawh an ralbeihte thil hlu tak tak a lo lak avangin Israelten hmelma (Ai khua) an hneh ta lo ang khan keini ringtute pawh hian hmelma (sual hnathawh) kan hneh theihnan Pathian thu ang zelin a rawng i bawl tlat ang u. Hluihlawn thil lak chu Ai khua hnehlohna a ni si.